Spageti Na Sosi Ya Nyama Ya Kusaga

VIPIMO VYA SOSI

Vitungu vilivyokatwa                                           2 Kiasi

Thomu iliyosagwa                                                1 Kijiko cha supu 

Nyanya ya kopo                                                    1 kopo

Nyanya ziliyosagwa                                              3 Vikombe

Viungo vya Kiitali (Oregano,basil,thyme)           1 Kijiko cha supu

Chumvi                                                                  Kiasi 

Pilipili manga ya unga                                          ½ Kijiko cha chai 

Figili mwitu (celery) na pilipili mboga                ½ Kikombe kila moja

NAMNA YA KUTAYARISHA NA KUPIKA

1.  Katika sufuria kaanga vitungu kisha tia thomu.

2.  Tia Nyanya, nyanya kopo na viungo vyote.

3.  Tia pilipili mboga na figili mwitu na ukaange hadi zilainike.

4.  Tayarisha kababu za nyama ya kusaga katika supu.  

VIPIMO VYA KABABU

Nyama ya kusaga                                                          1 LB (Ratili)

Thomu na tangawizi iliyosagwa                                    1 Kijiko cha supu 

Chumvi                                                                            Kiasi

Pilipili mbichi iliyosagwa                                                  1 

Kotmiri iliyokatwa                                                           Kiasi 

Garama Masala (bizari ya mchanganyiko)                    1 Kijiko cha chai 

Maji                                                                                 2 Gilasi

Stock (Supu ya vidonge – Maggi cube)                        1

NAMNA YA KUTAYARISHA NA KUPIKA

1.  Changanya vipimo vyote katika bakuli isipokuwa maji na kidonge  cha supu.

2.  Fanya viduara vidogo vya mchanganyiko wa nyama viwe kama kababu, weka kando.

3.  Chemsha maji kisha tia vidonge vya kababu vichemke

4.  Tia kidonge cha supu (Stock)

5.  Zikishawiva mimina sosi uliyotayarisha juu ya hii supu ya kababu.

6.  Tayari kuliwa kwa kumwagiwa juu ya Spagetti.

SPAGETI

Chemsha Spagetti kiasi ya 300 gm, zikiwiva chuja maji zikiwa tayari kuliwa na sosi pamoja na zaytuni ukipenda.